![](https://www.namunapost.com/wp-content/uploads/2024/09/999.jpg)
दयाराम आचार्य
कावासोती। स्थानीय स्तरमा खेलाडी उत्पादन गर्ने उधेश्यले कावासोती नगरपालिका जारी प्रथम मेयर कप फुटबल प्रतियोगिताको उपाधी कावासोती तीनले उचालेको छ ।
कावासोती नगरपालिका वडा नम्बर तीन र वडा नम्बर चार बिच भएको फाईनल प्रतिस्पर्धामा कावासोती तीन २÷१ गोल अन्तरले विजयी हुदै उपाधी आफ्नो पक्षमा पारेको हो । कावासोती तीनको जितका लागि जर्सी नम्बर सातका प्रकाश क्षेत्रीले खेलको ४५औं मिनेटमा एक गोल गरेका थिए भने दोश्रो गोल जर्सी नम्बर २२ का उपेन्द्र सारु मगरले ६५ औं मिनेटमा दोश्रो गोल गरेका थिए ।
दोश्रो हाफको ६६ औं मिनेटमा कावासोती चारका जर्सी नम्बर १२ का खेलाडी प्रकाश महतोले आफ्नो टिमको तर्फबाट एक गोल गरे थिए । यस पछि थप गोल नभएपछी नतिजा कावासोती तीनको पक्षमा गएको हो । विजेता बनेको कावासोती तीनले रु ७५ हजार सहित शिल्ड प्राप्त गरेको छ । उप विजेता कावासोती चारले रु ४० हजार प्राप्त गरेको छ । प्रतियोगिताका विजेता र उपविजेतालाई गण्डकी प्रदेशसभा सदस्य रोशन बहादुर गाहाले पुरस्कार प्रदान गर्नु भएको थियो । पुरस्कार प्रदान गर्दे प्रदेश सभा सदस्य गाहाले आगामी दिनमा खेल र खेलाडीहरुले खेलको माध्यमबाट जिल्ला र देशलाई चिनाउ शुभकामना व्यक्त गर्नु भएको थियो । उहा“ले नवलपरासी जिल्ला राष्ट्रिय स्तरका खेलाडी उत्पादन गर्ने जिल्ला भएको स्मरण गर्दै आगामि दिनमा समते यहा“बाट सक्षम खेलाडी उत्पादन हुने आशा व्यक्त गर्नु भयो । यसकालागि खेल र खेलाडीहरुको प्रोत्साहनका लागि आफुले सक्दो सहयोग गर्ने प्रतिवद्धता समेत व्यक्त गर्नु भएको छ ।कावासोती नगरपालिका मेयर चन्द्र कुमारी पुनले खेल ,खेलाडी र युवाहरुलाई प्रोत्साहन गर्ने नगरपालिकाको निति रहेको भन्दै आगामि दिनमा अझै परिस्कृती रुपमा बिभिन्न खेल प्रतियोगिताहरु संचालन गरिने बताउनुभयो ।
जारी प्रथम मेयर कप फुटबल प्रतियोगितामा कावासोती नगरपालिका भित्रका १७ ओटै वडाको सहभागिता रहेको थियो ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१