समाजिक रुपमा दलित समुदायलाई समानता दिलाउन पत्रकारहरुको भुमिका महत्वपुर्ण हुने

माघ २५ । नबलपुर
दलितहरुको हक अधिकार संरक्षणका लागि पत्रकारहरुको भुमिका महत्वपुर्ण हुने सरोकारवालाहरुले बताएका छन् । दलित अधिकारको संरक्षण गर्दे जनचेतनाको स्तरमा बृद्धी गर्न समेत पत्रकारहरुको भुमिका महत्वपुर्ण हुने उनिहरुको भनाई छ ।
नवलपुरको कावासोतीमा आयोजित पत्रकारितामा दलित समुदायको सहभागिता बिषयक एक दिने अन्तरक्रिया कार्यक्रममा बोल्ने बक्ताहरुले यस्तो बताएका हुन् । कार्यक्रममा बोल्दै प्रमुख अतिथि समेत रहनुभएकी जिल्ला समन्न्वय समिति नवलपुरकी उपाध्यक्ष शारदा वि.क.ले पछिल्लो समय पत्रकारितामा दलित समुदायको सहभागिता बढेको भन्दै यसले दलितहरुका मुद्धालाई प्रभावकारी तवरले उठाउन सहयोग पुगेको बताउनुभयो । उहाँले भन्नुभयो,“ दलितहरुको हकहित र अधिकारका कुरा होस् या अरु मुद्धाहरु हुन् अहिले उठान गर्न सजिलो भएको छ । ” पत्रकारहरु राज्यको चौथौ अङ्ग भएका कारण पनि उनिहरुका कुरा सबैले सुन्ने उहाँको भनाई थियो । दलित समुदायका व्यक्तीहरुलाई पत्रकारितामा लाग्न प्रेरित गर्नुपर्ने भन्दै उहाँले यसका लागि आफुले पनि उपयुक्त वातावरण बनाउन सहयोग गर्ने प्रतिबद्धता व्यक्त गर्नुभयो ।

कार्यक्रममा बोल्दै नेपाल पत्रकार महासंघ गण्डकी प्रदेश समितिका उपाध्यक्ष नारायण शर्माले सिप र क्षमता भए दलित भएकै कारण कसैले पनि हेप्न नसक्ने बताउनुभयो । पत्रकारहरुले दलितहरुका जायज माग र मुद्धालाइ सधै साथ दिएको भन्दै उहाँले पछिल्लो पटक दलित समुदायबाट पनि पत्रकारितामा बढेको आकर्षणले अझै आगामी दिनमा सहज हुने बिश्वास व्यक्त गर्नुभयो ।

कार्यक्रममा सामाजिक व्यक्तीत्व तथा दलित अधिकारकर्मी पुर्णप्रकाश विश्वकर्मा , गैरदलित सरकारी सस्था महासंघका केन्द्रीय सदस्य कृष्ण बि क , समाजसेबी तथा शिब नमुना माबि का अध्यक्ष बाबुराम बिश्वकर्मा नगर कार्यापालिका सदस्यहरु सपना बिश्वकर्मा , बाघविर सुनार, नेपाल पुर्ब प्रहरी संगठन नेपाल नबलपुरका अध्यक्ष अमर बिश्वकर्मा लगायतले बोल्नुभएको थियो । राष्ट्रीय दलित पत्रकार संघ नेपाल जिल्ला समिति नवलपुरका संयोजक गोविन्द नेपालीको अध्यक्षतामा भएको सो कार्यक्रममा सस्थाका सल्लाहकार संयोजक राजेश सुनामले सहभागीहरुलाई स्वागत गर्नुभएको थियो । कार्यक्रममा सस्थाकी सहसंयोजक गंगा विश्वकर्माले सहजीकरण गर्नुभएको थियो । कार्यक्रममार्फत अध्यक्ष नेपालीले यहि माघ २८ गते अझ बृहत भेला सहित प्रथम अधिबेसन गर्ने समेत जानकारी गराउनुभएको थियो ।