१३ वर्षे बालिकाको बलात्कार प्रयास पछि हजुरबुवाद्धारा हत्या, स्थानियको यस्तो आक्रोस (भिडियो)

लमजुङ जिल्लाको दोर्दी गाउँपालिका–२ स्थित अर्चलबोट साँखरकी १३ वर्षीया किशोरीको बलात्कार प्रयासपछि हत्या भएको छ।

अर्चलबोटको लक्ष्मीनारायण माद्यामिक विद्यालयको कक्षा ६ मा पढ्ने १३ वर्षीया अनिशा परियारको मृत्यु अस्वभाविक देखिएपछि प्रहरीले अनुसन्धान थालेको छ ।

घाँटीमा सल बेरिएको अवस्थामा शव भेटिएपछि प्रहरीले अनुसन्धान थालेको थियो। बालिकाको नाताले हजुरबुवा र हजुरआमा पर्ने दोर्दी–३ श्रीमञ्ज्याङका ४५ वर्षीय राजकुमार परियार र उनकी श्रीमती ४९ वर्षीया जालु परियारलाई हत्या अभियोगमा प्रहरीले नियन्त्रणमा लिएको छ ।

हजुरबा हजुरआमा र बाआमासँगै अनिशा तनहुँको बाइसजँघारमा विहे भोजमा गएकी थिइन्। विहे भोजपछि बुवा काममा गएको र आमा किताब किन्न गएपछि अनिशा नाताले हजुरबुवा हजुरआमासँगै घर फर्केकी थिइन्। अनिशालाई घर पुर्याए पनि राजकुमार घर नगई एक्ली अनिशासँगै बसेको प्रहरी स्रोतले बताएको छ।

गाउलेले निज हत्यारा र उनकी श्रीमतिलाई केरकार गर्दा निजकी श्रीमतिले बालिकालाई भारतमा बेच्न लान खोजेको र नमानेपछि गाउमा हल्ला हुने डरले मारेर झुण्डाएको भनेर स्वीकार गरेको स्थानियको भनाइ छ । उक्त ठाउमा गाउलेको आक्रोस यस्तो रहेको छ ।