![](https://www.namunapost.com/wp-content/uploads/2024/09/999.jpg)
कावासोती । नवलपुरको कावासोतीमा फागुन शुक्ल पूर्णिमाका दिन मनाइने फागु अर्थात् होली पर्व भोली ( चैत ७ गते) बिहिबार मनाईने भएको छ । नवलपुर जिल्लाको पहाडी क्षेत्रमा भने होली पर्व आज ( बुधबार )नै मनाईएको छ ।
गण्डकी प्रदेशको एक मात्र तराई क्षेत्र र पहाडी क्षेत्र रहेको नवलपुर जिल्लामा दुई दिन नै होली पर्व मनाउदै आईरहेका छन् । सरकारले आज ( चैत ६ गते) सार्वजनिक बिदा दिएको भएपनि जिल्लाको सदरमुकाम कावासोतीमा भने भोली ( चैत ७ गते) बिहिबार होली मनाईने तयारी भएको छ । बिहिबार कावासोतीको बिभिन्न संचार माध्यमले फागु अर्थात् होली पर्वमा कार्यक्रम नै राखेर मनाउने तयारी गरेको छन् । वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व परम्परागत रूपमा विभिन्न रङ र लोला खेली मनाउने परम्परा छ । प्रहरीको सक्रियताका कारण पछिल्लो समय होली पर्व सभ्य बन्न थालेको छ । यो पर्व सडकमा काम विशेषले हिँड्नेलाई इच्छा विपरीत रङ र लोला हान्ने क्रम अहिले बन्द हुँदै गएको छ । यस्तै प्रहरीले सुरक्षा चेकजाँचलाई पनि कडा बनाएको छ ।
त्रेता युगमा दैत्यराज हिरण्यकश्यपुले विष्णुभक्त आफ्ना पुत्र प्रह्लादलाई मार्ने उद्देश्यले ब्रह्माबाट आगोले छुन नसक्ने वरदान पाएकी आफ्नी बहिनी होलिकालाई प्रह्लादका साथ दन्किरहेको आगोमा पस्न लगाउँदा होलिका आफैँ भष्म भएकी तर भक्त प्रह्लादलाई आगोले छुन नसकेको कथा यो पर्वसँग जोडिएको छ ।
त्यसै बेलादेखि शक्तिको दुरूपयोग गर्ने पापी प्रवृत्तिकी प्रतीक बनेकी होलिका मारिएको उपलक्ष्यमा होली खेल्ने परम्परा चलेको मानिन्छ । यसैगरी द्वापरयुगमा श्रीकृष्ण भगवान्लाई मार्न कंशद्वारा पठाइएकी राक्षसनी पुतनाले आफ्नो विष दलिएको स्तन चुसाउन लाग्दा असफल भई मारिइन् । निजलाई व्रजवासीले जलाई फागु महोत्सव मनाउने परम्परा चलेको पनि धर्मग्रन्थमा उल्लेख गरिएको धर्मशास्त्रविद् एवं नेपाल पञ्चाङ्ग निर्णायक समितिका अध्यक्ष प्रा डा रामचन्द्र गौतमले बताए ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१