सूर्यज्योतिको १६औं वार्षिक उत्सवको अवसरमा शैक्षिक समाग्री वितरण

कावासोती । सूर्यज्योतिलाइफ इन्स्योरेन्स कम्पिनि लिमिटेड कावासोती शाखाद्वारा शैक्षिक समाग्री वितरण गरिएको छ । इन्स्योरेन्सले आफ्नो १६ औं वार्षिक उत्सवको अवसरमा कावासोती शाखाको अयोजनामा गरिवि तथा जेहान्दार विद्यार्थीहरुलाई एक औपचारिक कार्यक्रम गरि शैक्षिक समाग्री वितरण गरिएको हो । हुप्सेकोट गाउँपालिका वडा नं. २, नवलपुर, चपाहामा रहेको श्री बालहित आधारभुत विद्यालयमा अध्ययनरत १७ जना गरिवि तथा जेहान्दार विद्यार्थीहरुलाई कावासोती शाखाका शाखा प्रमुख टोप बहादुर रानाको उपस्थितीमा शैक्षिक सामाग्रि वितरण गरिएको हो ।

कार्यक्रममा सुर्यज्योति लाइफका एजेन्सि म्यानेजर कुम्भसिं पाटा मगर, ज्ञानिसरा गैरे, लक्ष्मि पोख्रल, विद्यालय व्यवस्थापन समितिका अध्यक्ष मन बहादुर मल्ल, विद्यालयका सम्पुर्ण अभिभावक लगाएत समाजसेवि व्यक्तिहरुको सहभागि रहेको थियो । कार्यक्रममा आफ्नो स्वागत मन्तव्य सहित भनाई राख्दै प्रधानध्यापक नारायण प्रसाद पाण्डेले अत्यान्त न्युन वर्गको विद्यार्थीहरु अध्ययनरत विद्यालयमा शैक्षिक समाग्री वितरण गर्दा थप नयाँ विद्यार्थीहरुको आगमनमा सहजता मिल्ने र अहिले सम्म कुनै पनि संघ संस्थाले यस्तोखाले कार्यक्रम नगरेको वताउंदै सूर्यज्योतिले लाइफ इन्स्योरेन्स कम्पिनीले आयोजना गरिएकोमा धन्यवाद व्यक्त गर्नु भएको थियो ।

कार्यक्रममा प्रमुख अतिथी समेत रहनुभएका सुर्यज्योति लाइफ इन्स्योरेन्स कावासोती शाखाका प्रमुख टोप बहादुर रानाले सुर्यज्याति लाइफ इन्स्योरेन्स कं.को बारे थप प्रष्टपारि विमाको महत्तोको वारेमा जानकारी गराएका थिए । विद्यालय व्यवस्थापन समितिका अध्यक्ष मन बहादुर मल्लले विमाको बारेमा आज प्रष्ट भएको र ग्रामिण भेगमा समेत विमाको बारेमा जनचेतना जगाउनुपर्ने वताउनुभएको थियो कार्यक्रमका सभापति समेत रहनुभएका मल्लले विद्यालयमा पठान पाठन गर्ने विद्यार्थीहको आफ्नो क्षमता अनुसार अनिवार्य विमा गर्नुपर्ने समेत अभिभावकहरुलाई आग्रह गर्नु भएको थियो । कार्यक्रम ऐजन्सि म्यानेजर एवं विद्यालयका शिक्षिका ज्ञानिसरा गैरेको संयाजकत्वमा सम्पन्न भएको हो ।