मध्यविन्दुमा दाना पकाउने क्रममा आगलागी,लाखौंको क्षति

कावासोती । नवलपुरको मध्यविन्दु ४ लुस्लरी बस्ने राम शरण बि.क.को गोठमा आगलागी हुँदा ३ लाख ५० हजार बराबरको क्षति भएको छ । आज बिहान ७ः३० बजेको समयमा वस्तुलाई दाना पकाउने क्रममा परालमा आगो सल्कँदा  आगलागी भएको हो । आगलागीबाट  १ वर्षको पाडी जलेर मरेको , काठपात घाँस दाउरा गरी ३ लाख ५० हजार बराबरको क्षति भएको, जिल्ला प्रहरी कार्यालयका सूचना अधिकारी प्रहरी नायब उपरीक्षक  वेद बहादुर पौडेलले जानकारी दिनुभयो । 

आगो स्थानीय,दमकल र प्रहरीको सहयोगमा करिव एक घण्टामा  नियन्त्रणमा आएको, थियो ।