नवलपुरमा अपाङ्गता भएकी १३ बर्षीया बालिका बलात्कृत, ५८ बर्षीय पुरुष पक्राउ

कावासोती ।  नवलपुरको देवचुलीमा रहेको जनज्योती नमूना माध्यमिक विद्यालयमा अध्ययनरत अपाङ्गता भएकी बालिकालाई सोही विद्यालयका एक कर्मचारीले बलात्कार गरेको खुलेको छ ।

सोही विद्यालयको आया पदमा कार्यरत ५८ वर्षका रुक्मागत न्यौपानेले १३ वर्षकी बालिकालाई बलात्कार गरेको खुलेको हो । बालिका बलात्कारको जाहेरी परेपछि  प्रहरीले न्यौपानेलाई पक्राउ गरेको हो । बलिकामा सुनाइ सम्बन्धि अपाङ्गता भएको कारण उनी कान सुन्दिनन् ।

जिल्ला प्रहरी कार्यालयका डिएसपी बेदबहादुर पौडेलका अनुसार बालिकाकी बुबाले जाहेरी दिएपछि न्यौपानेलाई पक्राउ गरि  अनुसन्धानको लागि जिल्ला अदालत नवलपुरबाट म्याद थप गरिएको छ ।