थुम्सीमा सडेको मासु बेचेको पाइएपछि होटल राप्ती मुनाललाई पाँचहजार जरिवाना

गैँडाकोट । नवलपुरको गैँडाकोटमा रहेको होटल राप्ती मुनाललाई प्रशासनले डण्डा लगाएको छ । गैँडाकोट नगरपालिका वडा नं. ९ थुम्सी स्थित राजमार्गमा रहेको सो होटललाई गैँडाकोट नगरपालिकाले कारबाही गरेको हो ।

विहिवार दिउसो अनुगमनका क्रममा होटलमा कैफियत देखिएपछि पाँचहजार रुपैँया जरिवाना गरिएको गैँडाकोट नगरपालिकाका आर्थिक विकास शाखा प्रमुख देबेन्द्र गौतमले जानकारी दिनुभयो ।

सो होटलले सडेको मासु बेचेको, सरसफाईमा ध्यान नदिएको, भेज र ननभेज खाना मिसम्याच गरेको, अत्याधिक फोहोर भाँडोमा चिया पकाइरहेको जस्तो गम्भिर लापहरबाही गरेको पाइएको छ ।  

तस्विर : प्रेम क्षेत्री