![](https://www.namunapost.com/wp-content/uploads/2024/09/999.jpg)
शारदा झेडी मगर
कावासोती । गत फागुन २२ गते कैलाली जिल्ला अदालतले प्रतिनिधि सभामा निर्वाचित सांसद रेशम चौधरी लगायत ११ जनालाई गरेको जन्मकैदको फैसला प्रती थारु युवा सभा बर्दघाट सुस्ता पुर्व नवलपरासी जिल्ला कार्यसमितीले गम्भिर ध्यानार्कषण भएको जनाएको छ । थारु युवासभा जिल्ला कार्यसमिती नवलपरासीका डहकराम गुरौ , थारु बिद्यार्थी समाज जिल्ला कार्यसमिती नवलपरासीका राजकुमार थनेत र थारु भौगोलिक सांस्कृतिक संघर्ष समिती नवलपरासीका ओमनारायण थनेतद्धारा हस्ताक्षरित संयुक्त बिज्ञप्ती जारी गर्दै गम्भिर ध्यानाकर्षण भएको जनाएको हो । आफ्नो हक, अधिकार एवं पहिचानका स्थापना गराउनका लागि संघर्षरत थरुहट आन्दोलनका क्रममा अकल्पनिय र अप्रत्यासित दुखद् घटनालाई आधार बनाउदै प्रतिनिधी सभामा निर्वाचित सांसद रेशम चौधरीलाई जन्मकैदको फैसला गरिनु एकपक्षिय र पुर्वाग्राही भएको बिज्ञप्तीमा उल्लेख गरिएको छ । सरकारले सो घटनाको सत्य तथ्य छानबिन गर्न पुर्व न्यायधिस गिरिश चन्द्रलालको संयोजकत्व गठित न्यायिक छानबिन समितीको प्रतिबेदन , सर्वदलिय संसदिय समिती तथा राष्ट्रिय मानव अधिकार आयोगको प्रतिबेदन समेत सार्वजनिक नगरि ति प्रतिबेदनहरुलाई अवमुल्यन गर्दै गरिएको फैसलाले आम न्याय प्रेमी तथा थारु समुदायलाई अत्यन्तै दुखी बनाएको बिज्ञप्तीमा जनाईएको छ । आन्दोलनका क्रममा पक्राउ परेका लाई अपराधिक एवं फौजदारी कसुर सरह ब्यावहार नगरी राजनैतिक तवरले ब्यावहार गर्न मुद्दाको यथोचित सम्बोधन गर्दै तत्काल खारेज गर्न समेत सरकार संग माग गरिएको छ । अन्यथा आफुहरु कडा आन्दोलनका कार्यक्रम घोषणा गर्ने चेतावनी समेत दिईएको छ ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१