![](https://www.namunapost.com/wp-content/uploads/2024/09/999.jpg)
कावासोती । पूर्बि नवलपरासीको देबधुलिका कृषकहरुलाई व्यावसायीक र सुरक्षित रुपमा बाखा्र पालनको लागि बाख्रापालन र सरसफाई सम्बन्धी एक दिने अभिमुखीकरण कार्यक्रम देवचुली नगरपालिकाको वडा नं. ६ किर्तिपुरमा शनिबार सम्पन्न भएको छ ।
जागृति बाल तथा युवा सरोकार नेपालको आयोजना तथा किन्डर ईन चिल्ड्रेनको सहयोग तथा वडा कार्यालय वडा नं. ६ को संयोजनमा उक्त कार्यक्रमको आयोजना गरिएको हो । जागृति बाल तथा युवा सरोकार नेपालले आयआर्जन र सचेतनामुलक कार्यक्रम उक्त स्थानमा सञ्चालन गरिराखेको र उक्त स्थानका ४५ घरमा बाख्रापालनको लागि कार्यक्रम सञ्चालन गरी विद्यार्थीहरुको शैक्षिक गुणस्तरको लागि उक्त कार्यक्रम सञ्चालन गरिएको कुरा आयोजक संस्थाका दिपक शर्माले बताए । उद्घाटन समारोहमा वडा अध्यक्ष मिन बहादुर सोतीले देवचुली नगरपालिकाको विकट मानिएको स्थानमा आएर आयआर्जन र सरसफाईको साथमा विद्यालयको शैक्षिक गुणस्तर अभिबृद्धीको लागि समेत संस्थाले गरेको सहयोग प्रति धन्यबाद ज्ञापन गरेका थिए । कार्यक्रममा देवचुली नगरपालिका पशु सेवा शाखाका खेमनारायण पौडेल, पशु प्राविधिक तुलसी भट्टराई, राजु चापागाई र विश्वास लामिछानेले सहजिकरण गरेका थिए । उनिहरुले बाख्राको खोर व्यवस्थापन, बाख्राहरुमा देखीने समस्याहरु र समाधानको उपायहरु, घाँस र अन्य बिभिन्न विद्याीहरु, समुहको निर्माण र यसको महत्व, सरसफाईको साथमा बालमैत्री बाताबरणका साथमा बालबालिकाहरुसँगको सामाजिकीकरणको बारेमा समेत जानकारी दिएका थिए । कार्यक्रममा ५० जना कृषकहरुको सहभागिता रहेको थियो ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१