![](https://www.namunapost.com/wp-content/uploads/2024/09/999.jpg)
रोल्पा : रोल्पामा सोमबार सडकबाट बस पल्टिँदा दुई यात्रुको मृत्यु भएको छ । पुर्वी रोल्पाको लुङ्ग्री गाउँपालिका–३ जुतुङखोलामा बस दुर्घटना भएको हो ।
दुर्घटनामा लुङ्ग्री गाउँपालिका-३ जुतुङ गाउँका ११ महिने बालक नितेश विक र स्वर्गद्वारी नगरपालिका-५ सारीका २४ बर्षीय चालक नवराज आलेको मृत्यु भएको हो। प्रहरीका अनुसार बालकको घटनास्थलमै र आलेको उपचारका लागि अस्पताल लैजादै क्रममा बाटोमा मृत्यु भएको हो ।
आशिर्वाद यातायात प्रालिको बा १ ख ५५२१ नम्वरको बस सडकबाट करिब ५० मिटर तल खसेको हो । बस सुलिचौरबाट लुङ्ग्री गाउँपालिकाको जुतुङखोला जाँदै गरेको बेला दुर्घटना भएको हो ।
उकालो घुम्ती सडकमा बस ब्याक हुनगई दुर्घटना भएको हो । घटनामा घाइते दुईजनाको अवस्था गम्भीर छ भने २१ घाइते यात्रुको अवस्था सामान्य छ । बसमा ३० जना यात्रु सवार रहेको जनाईएको छ ।
annapurnapost.com बाट
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१