ट्रकको ठक्करबाट कावासोतीको मध्यविन्दु क्याम्पसमा अध्ययनरत किशोरी गम्भीर घाईते

कावासोती । नवलपरासी पूर्व नवलपुरको कावासोतीमा शुक्रबार बिहान ट्रकको ठक्करबाट एक किशोरी गम्भीर घाईते हुनु भएको छ । कावासोती स्थित मध्यविन्दु बहुमुखि क्याम्पसमा अध्ययनरत देवचुली नगरपालिका – १६ धुसेरीकी २० वर्षीया अनिसा अधिकारी ट्रकको ठक्करबाट गम्भीर घाईते हुनु भएको हो । क्याम्पसको पोसाकमा रहनु भएको उहाँलाई कावासोतीको थाना चोकमा पूर्वबाट पश्चिम तर्फ आउदै गरेको लु २ ख ५६ ३१ नं. ट्रकले ठक्कर दिएको थियो ।

उहाँको कम्बर मुनिको भागमा गम्भीर चोट पुगेको जिल्ला प्रहरी कार्यालय नवलपरासी पूर्वका डिएसपी दिलिप कुमार गिरीले बताउनुभयो । अधिकारीको अहिले चितवनको भरतपुरमा उपचार भइरहेको उहाँले जानकारी दिनुभयो । ठक्कर दिने ट्रक र ट्रक चालक अहिले प्रहरी नियन्त्रणमा रहेको छन् ।