![](https://www.namunapost.com/wp-content/uploads/2024/09/66-1.jpg)
अर्को पहाडतिर कतै फुट्ने क्रम चलेन भने अब बाढी घट्ला । तर हामी होसियार भएर बसिरहेका छौं । किनभने यस्तो खालको माटोमा जुनसुकै बेला जे पनि हुन सक्छ । काठमाडौं । नाम्चेबाट हिँड्दै गए पाँच घन्टामा पुगिने खुम्बु पासाङ ल्हामु गाउँपालिका वडा ५ का ४८ वर्षीय पेम्बा तेन्जिङ शेर्पाले थामेमा गएको भीषण बाढीपछिको अवस्थाबारे जे देखे
लज चल्ने गरेका सातवटा घरहरु खोलाले बगायो । छेउमा स्कुल पनि छ । बाटो, साँघु सबै बगाइदियो आजको बाढीले ।खुम्बुको पर्यटनमा अफसिजन चलिरहेकाले लजमा मान्छेहरु खासै छैनन् । त्यसैले बाढीमा कमभन्दा कम मान्छे परे भन्ने आशा गरेका छौं । राति बाढी आएको भए धेरै क्षति हुने थियो । दिउँसो १.२५ अचानक बाढी आएपछि त्यहाँबाट भाग्न सजिलो भयो ।
धन्न पारेचोम्बुचो ताल फुट्न पाएनछ । त्यो पनि फुटेको भए धेरै नै क्षति हुने थियो । उतापटि रोलिङ खोला छ, यतापटि थामे । यी दुई खोलाहरुको बीचमा थुप्रै पहाडहरू छन् । तीमध्ये कुनै पहाड फुटेको आशंका छ । माथि गएर हेर्ने अवस्था छैन । अहिले गाउँपालिकाका मानिसहरु प्रहरीसहित आइपुगेका छन् । सेना पनि आउँदै छ । बिजुली कतै छैन । इन्टरनेट हुने कुरै भएन । बाढी चाहिँ दिउँसोभन्दा घट्ने क्रममा छ ।फेरि अर्को पहाडतिर कतै फुट्ने क्रम चलेन भने अब बाढी घट्ला । तर हामी होसियार भएर बसिरहेका छौं । किनभने यस्तो खालको माटोमा जुनसुकै बेला जे पनि हुन सक्छ
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१