कावासोतीमा आफैं गोली हानेर सैनिकद्वारा आत्महत्या

कावासोती । कावासोती नगरपालिका वडा नम्बर ७ बाँदरझुला स्थित अमलटारीस्थित नयाँ गोरख गण ‘ख’ गुल्ममा कार्यरत एक सैनिकले आफैंलाई गोली हानेर आत्महत्या गरेका छन् ।

धादिङको गल्छी गाउँपालिका–४ निवासी २२ वर्षका सैनिक जवान सुदीप मिजारले शनिबार दिउँसो साढे १२ बजे आफ्नो घाँटीमा गोली हानेर आत्महत्या गरेको जिल्ला प्रहरी कार्यालय नवलपुरले जनाएको छ । उनको श्री गोरख गण कसरा चितवनमा दरबन्दि थियो ।

सोही गण स्थित पोष्टको कोत घरमा रहेको ५.५६ एमएम मिनिमि गनले आफ्नै घाँटीको अगाडीको भागमा गोली हानेको पाइएको प्रहरी नायब उपरिक्षक वेदबहादुर पौडेलले जानकारी दिनुभयो ।

आत्महत्याको कारण भने खुलेको छैन । घटनाका विषयमा अनुसन्धान भइरहेको प्रहरीले जनाएको छ ।