नेकपा एस नवलपुरमा ४ पदाधिकारी मनोनित, उपाध्यक्षमा मदन गिरि (माइकल)

कावासोती । नेपाल कम्युनिष्ट पार्टी (एकीकृत समाजवादी ) नवलपुरको विशेष भेला बाट ४ जना पदाधिकारी मनोनित भएका छन् । भेलाबाट उपाध्यक्षमा मदन गिरि (माइकल) , उप सचीव बिकास बिश्वकर्मा , प्रेम भट्ट र लाल बहादुर अधिकारी मनोनित भएको अनेरास्ववियू गण्डकी प्रदेश अध्यक्ष ठाकुर पराजुलीले जानकारी दिए ।

गत शनिबार बसेको जिल्ला भेलाले उनिहरुलाई मनोनित गरेको हो । जिल्ला अध्यक्ष गणेशमान महत्तोको अध्यक्षतामा बसेको भेलामा पार्टीका स्थायी कमिटी सदस्य एवम गण्डकी प्रदेश ईन्चार्ज तुल बहादुर गुरुङको प्रमुख आतिथ्यता रहेको थियो । भेलामा गण्डकी प्रदेश कमिटीका अध्यक्ष श्रीनाथ बरालको बिशेष आतिथ्यता रहेको थियो ।