
कावासोती । नवलपुरको कावासोतीमा प्रथम मेन्टर कप क्रिकेट प्रतियोगिता हुने भएको छ । जिल्लाको कावासोतीमा रहेको मेन्टर एजुकेशनको आयोजनामा जिल्ला स्तरीय मेन्टर कप क्रिकेट प्रतियोगिता सञ्चालन गर्न लागिएको मंगलबार पत्रकार सम्मेलन गरि जानकारी दिइएको छ ।
स्थानीय स्तरमा क्रिकेट खेलको प्रर्वद्धनका लागि फागुन २ गतेदेखि कावासोतीको कुमारवर्ती बहुमुखी क्याम्पसको चौरमा प्रतियोगिता गर्न लागिएको आयोजकले जनाएको छ ।जिल्ला स्तरीय खुला क्रिकेट प्रतियोगितामा कम्तिमा बीस समूहको सहभागिता रहने आयोजकले जनाएको छ । प्रतियोगितामा सहभागि हुन चाहने समूहले फागुन १ गते सम्म रु. तीन हजार तिरेर समूह दर्ता गर्न सक्नेछन् ।
प्रतियोगितामा प्रथम हुने समूहलाई रु. ५१ हजार १५५, द्वितीय हुने समूहलाई रु. २५ हजार १५५ र प्रत्ययक म्याचमा एकजना उत्कृष्ट खेलाडी, उत्कृष्ट बलर, सिरिजका उत्कृष्ट खेलाडीलाई समेत मेडल र पुरस्कार प्रदान गरिने खेल संयोजक किरण भुर्तेलले बताउनुभयो ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१