२५ गते अमलटारीमा झमटा प्रतियोगिता

चन्द्रा महतो
कावासोती । थारु महिलाहरुको महान पर्व जितियाको अवसर पारेर कावासोतीमा बृहत झमटा गित प्रतियोगिता हुने भएको छ । इको टुरिजम युथ क्लब कावासोती १७ अमलटारीले आफ्नो वार्षिकोत्सव संगै जितिया पर्वको अवसरमा झमटा गित प्रतियोगिता आयोजना गर्ने भएको हो । शनिबार बसेको क्लबको बैठकबाट भदौ २५ गते झमटा गित प्रतियोगिता आयोजना गर्ने निर्णय भएको आयोजकले जनाएको छ ।

नवलपुरका स्थानीय तहहरुको सहकार्यमा झमटा प्रतियोगिता आयोजना गरिएको इको टुरिजम युथ क्लबका अध्यक्ष बाल कुमारी महतोले जानकारी दिईन । शनिबार महतोको अध्यक्षतामा भएको बैठकमा कावासोती नगरपालिका उपप्रमुख फुल कुमारी महतो, कावासोती नगरपालिका वडा नम्बर १७ का वडा अध्यक्ष चुरामणी थनेत सहित थारु अगुवाहरुको सहभागिता रहेको थियो ।