कावासोतीमा रोट्र्याक्ट क्लबद्वारा बृक्षारोपण

सुरक्षा कंडेल
कावासोती । पूर्वि नवलपरासीको कावासोती १६ डण्डामा रोट्र्याक्ट क्लबद्घारा बृक्षारोपण गरेको छ । बिहिबार रोट्र्याक्ट क्लब अफ नवलपुर सिटि ,रोट्र्याक्ट क्लब अफ कावासोती र हरियाली सँस्थाको संयुक्त आयोजनामा बृक्षारोपण गरेका हुन् । कावासोती १६ प्रिपेनिको शिवालय मन्दीर परिसरमा फरक–फरक जातको १०० बिरुवा बृक्षारोपण गरिएको रोट्र्याक्ट क्लब अफ नवलपुर सिटिका अध्यक्ष बुलेट सिग्देलले बताए ।

विद्यालयमा शैक्षिक सामाग्री वितरण, छात्रवृत्ति लगायतको कार्यमा सक्रिय हुदै आएको रोट्र्याक्ट क्लबले यो वर्ष भित्र एक हजार बिरुण बृक्षारोपण गर्ने कार्यक्रम रहेको उनले बताए । त्यस्तै वातावरण संरक्षणका लागि निरन्तर बृक्षारोपण तथा वातावरण मैत्री परियोजनाहरुमा स्थानीय समुदाय संग मिलेर निरन्तर काम गर्ने रोट्र्याक्ट क्लब अफ कावसोतिका अध्यक्ष सुधन लम्सालले बताए ।