विनयी त्रिवेणीमा अध्यक्ष उपाध्यक्ष सहित सबै वडा अध्यक्षको राजिनामा

चोरमारा । नवलपरासी पूर्व नवलपुरको विनयी त्रिवेणी गाउँपालिकामा गाउँपालिका अध्यक्ष डम्बर बहादुर जि.सी. सहित अधिकाम्स निर्वाचित जनप्रतिनिधिले आज पदबाट राजिनामा दिएका छन् । बैशाख ३० गते हुने स्थानीय तह निर्वाचनमा उम्मेदवार बन्न भन्दै पालिका अध्यक्ष जि.सी, उपाध्यक्ष मिनाकुमारी राना सहित सबै निर्वाचित वडा अध्यक्षहरुले राजिनामा दिएका हुन् ।

वडा अध्यक्षहरु अजितकुमार थापा, बिष्णु ढकाल, टुक बहादुर वैदवार, गोपाल अधिकारी, रन बहादुर झेडी, प्रितम गुरुङ, र गोपाल बहादुर क्षेत्रीले राजिनामा दिनु भएको छ । यस्तै कार्यपालिका सदस्य रुमा चुहान मगर, चन्द्र बहादुर बि.क., शारदा थापा, रुपा दर्जिले राजिनामा दिनु भएको छ । कुल ३८ जना गाउँ सभा सदस्य रहेको गाउँपालिका ३१ जनाले राजिनामा दिनु भएको हो । गाउँपालिकामा आज जनप्रतिनिधिहरुलाई सम्मान कार्यक्रम आयोजना गरिएको थियो । सम्मान कार्यक्रममा आएका अधिकाम्स जनप्रतिनिधिहरुले राजिनामा दिएका हुन् ।