नमुना पोष्टप्रकाशित मिति: २०७७ फागुन १४, शुक्रबार (३ साल अघि)
Advertisement
कावासोती । कावासोती नगरपालिकाको आठौँ नगरसभा शुक्रबार सम्पन्न भएको छ । नगरसभाले विनियोजन ऐन, २०७७ को संशोधन विधयेक पारित गरेको छ भने , कावासोती नगरपालिकाको संगठन संरचना तथा दरबन्दी स्वीकृत गर्ने सम्बन्धि प्रस्ताव र पूर्व प्राथमिक विद्यालय सञ्चालनको लागि अनुमती दिने सम्बन्धि प्रस्ताव पारित गरेको छ ।
नगरसभामा प्रस्तुत गरिएको ३ वटै प्रस्तावलाई नगर प्रमुख चन्द्र कुमारी पुनले निर्णयार्थ प्रस्तुत गर्नुभएको थियो । जसलाई नगरसभाका सदस्यहरुले तालि बजाएर पारित गरेका हुन् ।
कावासोती नगरपालिका प्रमुख चन्द्र कुमारी पुन सभाहलभित्र प्रवेश गरेपछि राष्ट्रिय गानबाट सुरु भएको नगरसभामा नगर प्रमुख पुनले सर्वप्रथम कार्यसुचि प्रस्तुत गर्नुभएको थियो । त्यसपछि कार्यसुचि अनुसार सभा समक्ष प्रस्ता पेश गर्न उहाँले अनुमती दिएपछि प्रस्तावहरु पालैपालो पेश गरिएको थियो । प्रस्तावमाथी केहि सल्लाहा सुझाव भएमा जानकारी गराउनु नगर प्रमुख पुनले आग्रह गर्नुभयो । जसका लागि ३ मिनेटको समय दिईएको थियो ।
कार्यसुचि अनुसार नगरसभामा विनियोजन ऐन, २०७७ को संशोधन विधयेक कावासोती नगरपालिकाका उपप्रमुख प्रेम शंकर मर्दनियाले प्रस्तुत गर्नुभएको थियो । उहाँले चालु आर्थिक वर्षमा विभिन्न कारणबश खर्च हुन नसकेको रकम नगरपालिकाबाट खर्च गर्न अत्यावश्यक भएको अन्य शिर्षकमा खर्च गर्नुपर्ने अवस्थामा नगरसभाबाट स्वीकृति लिन नगर कार्यपालिकाको वैठकबाट निर्णय समेत भैआएकोले प्रस्ताव पेश गरिएको बताउनुभयो । उपप्रमुख मर्दनियाले प्रस्तुत गर्नुभएको चालू आर्थिक वर्ष २०७७÷०७८ को स्वीकृत कार्यक्रम अनुसार विभिन्न शिर्षकहरुमा विनियोजित रकम आंशक वा पूर्ण रुपमा खर्च नहुने देखिएकाले चालू आर्थिक वर्षमै खर्च गर्नुपर्ने विभिन्न अत्यावश्यक कार्यका लागि नयाँ शिर्षकमा खर्च गर्न प्रस्ताव पेश गर्नुभएको थियो । उहाँले पेश गरेका विभिन्न ३६ वटा कार्यक्रम तथा योजनाहरुलाई नगरसभाले पास गरेको छ ।
यस्तै कावासोती नगरपालिकाको संगठन संरचना तथा दरबन्दी स्वीकृत गर्ने सम्बन्धि प्रस्ताव वडा नं. १० का अध्यक्ष तथा सार्वजनिक सेवा प्रवाह तथा शुसाशन समितीका संयोजक छविलाल महतोले प्रस्ताव पेश गर्नुभएको थियो । उहाँले नेपाल सरकारबाट संघ प्रदेश र स्थानीय तहमा कर्मचारी समायोजन गर्ने कार्य सम्पन्न भएको र सो बमोजिक कावासोती नगरपालिकामा केहि पदहरु स्वीकृत दरबन्दी बमोजिम नभएकोले समायोजन भई आएका कर्मचारीहरुको व्यवस्थापन समेत गर्नका लागि कर्मचारी समायोजन ऐन,२०७५ को दफा ३ को उपदफा ( १० ) बमोजिम नगपालिकाबाटै दरबन्दी पुनरावलोकन गर्नुपर्ने देखिएको बताउनुभयो ।
नेपाल सरकारबाट कावासोती नगरपालिकाको स्वीकृत दरबन्दी अनुसार वडा कार्यलयमा प्रशासनिक कार्य , कर प्रशासनको कार्य तथा स्थानीय पञ्जिकाधीकारीको कार्य गर्न एक जना मात्र वडा सचिवको दरबन्दीको व्यवस्था रहेको र विकास निर्माण सम्बन्धी कार्यका लागि एक जना प्राविधिकको दरबन्दी रहेकोले प्राविधिक जनशक्तिलाई वषैभरीमा वडाभित्र सञ्चालन हुने आयोजनाले कार्यबोझ नपुग्ने र एक जनामात्र वडा सचिवले अनलाईन घटना दर्ता , अनलाईन राजश्व संकलन , प्रशासनिक सिफारिश तथा अन्य प्रशासनिक कार्यहरु गर्न अधिक कार्यबोझका कारण सम्भव नदेखिएकाले दरबन्दी पुनरावलोकन गर्न आवश्यक देखिएको हुँदा प्रस्ताव पेश गरिएको जानकारी गराउनुभएको थियो । उक्त प्रस्तावलाई पनि नगरसभाले पास गरेको छ । यस्तै पूर्व प्राथमिक विद्यालय सञ्चालनको लागि अनुमती दिने सम्बन्धि प्रस्ताव कार्यपालिका सदस्य आनन्द श्रेष्ठले पेश गर्नुभएको थियो । जसमा कावासोती ११ मा द अफ्राग्रेट मन्टेश्वरी र कावासोती २ मा फुलबारी मन्टेश्वरीलाई पूर्व प्राथमिक कक्षा सञ्चालनका लागि स्वीकृत प्रदान गर्ने प्रस्ताव गरिएकोमा उक्त प्रस्ताव पनि नगरसभाले पास गरेको छ ।
नमुना पोष्टप्रकाशित मिति: २०७७ फागुन १४, शुक्रबार (३ साल अघि)
