विष्णुनगरमा भएको रक्तदान कार्यक्रममा २४ जनाले रक्तदान गरे

ज्ञानु पंगेनी
कावासाेति ।  कावासोती नगरपालिका वडा नम्बर ६ विष्णुनगरमा आज खुल्ला रक्तदान कार्यक्रम भएको छ ।
रक्तदान कार्यक्रममा २४ जनाले रक्तदान गरेको आयोजक संथा विष्णुनगर हेल्थ क्लिनीकले जानकारी दिएको छ । २४ जना युवाहरुले रक्तदान गरेका हुन् । कोरोना भाईरसको संक्रमणले गर्दा अहिले रगत अभाव समेत देखिएको समय भएकाले र समयमै रगत नपाई अकालमै मृत्यु हुने अवस्था नआओस् भनि सामाजिक काम गर्ने उदेश्यले रक्तदान कार्यक्रमको आयोजना गरिएको हो ।
वडा नम्बर ६ का वडा अध्यक्ष हेम प्रसाद पाण्डेको प्रमुख आतिथ्यतामा कार्यक्रम भएको थियोे ।
विष्णुनगर बाल क्लब र विष्णुनगर हेल्थ क्लिनीकको आयोजनामा रक्तदान कार्यक्रम भएको हो ।