इसाई समाज नवलपरासीद्धारा हुप्सेकोट गाउँपालिकालाई स्वास्थ्य सुरक्षा सामाग्री हस्तान्तरण

कावासोती  । इसाई समाज नवलपरासी र यू.एम.एन नवलपरासी क्लष्टरको साझेदारीमा हुप्सेकोट गाउँपालिकालाई स्वास्थ्य सुरक्षा सामाग्री प्रदान गरिएको छ ।

थर्मल गन १ थान , पीपीइ ३ थान, सर्जिकल माक्स ५ बक्स , , पञ्जा ५ बक्स , सुपानेट भुल २० थान , केएन ९५ मास्क ३५ वटा , सेनिटाईजर १५ लिटर ,सोप जेल ४० बोतल प्रदान गरिएको इसाई समाज नवलपरासीका कार्यक्रम संयोजक गोदावरी काफ्लेले जानकारी दिनुभयो । कोरोना भाईरसको माहामारीबाट सुरक्षित रहन सहयोग पुगोस् भन्ने उद्देश्यले सामाग्री हस्तान्तरण गरीएको काफ्लेले बताउनुभयो ।

उक्त सामाग्री हुप्सेकोट गाउँपालिका अध्यक्ष लक्ष्मी पाण्डेलाई हस्तान्तरण गरीएको हो । कार्यक्रममा गाउपालिका उपाध्यक्ष स्वतन्त्र कोपीला मल्ल , प्रमुख प्रशासकीय अधिकृत कृष्ण सापकोटा , स्वास्थ्य शाखा प्रमुख कृण्ण प्रसाद सापकोटा , इसाई समाजका अनुगमन समितिका सदस्य भोला न्यौपाने ,हुप्सेकोट इसाई समाजका अध्यक्ष एबं समुदाय विपद व्यवस्थापन समितका सल्लाहकार सदस्य बीरवल सोमैको उपस्थित रहेको थियो ।