नेकपाले बैशाख २५ गते बोलायो स्थायी समिति बैठक , बामदेवलाई प्रतिनिधिसभामा लैजाने निर्णय

काठमाडौं । नेपाल कम्युनिस्ट पार्टी (नेकपा)ले आगामी बैशाख २५ गते स्थायी समिति बैठक बोलाउने निर्णय गरेको छ । शनिबार राति सम्पन्न पार्टीको सचिवालय बैठकले यस्तो निर्णय गरेको प्रवक्ता नारायणकाजी श्रेष्ठले जानकारी दिए । सचिवालय बैठकमा प्रधानमन्त्री एवं पार्टी अध्यक्ष केपी शर्मा ओलीले आत्मालोचना गरेका प्रवक्ता  श्रेष्ठले जानकारी दिए । साथै उपाध्यक्ष बामदेव गौतमलाई उपयुक्त समयमा प्रतिनिधिसभामा लैजाने निर्णय समेत भएको छ । आगामी वैशाख २४ गते स्थायी कमिटी बैठकको लागि आवश्यक तयारीका लागि सचिवालय बैठक बोलाइने भएको छ ।