कुश्माका कर्मचारीले नगरपालिकालाई दिए १० लाख

पर्वत । कुश्मा नगरपालिकामा कार्यरत कर्मचारीले नगरपालिकाको प्रकोप ब्यवस्थापन विकास कोषमा १० लाख रुपौया सहयोग गरेका छन् । पर्वतको कुश्मा नगरपालिकाले सीमान्तकृत गरिव, दैनिक ज्यालादारी, गुजारा व्यवसाय र सडक जीवन गर्ने नागरिकलाई राहत उपलब्ध गराउन सहयोग सोरुप कर्मचारीले प्रकोप ब्यवस्थापन विकास कोषमा १० लाख रुपौया सहयोग गरेको प्रमुख प्रशासकिय अधिकृत हरि पंगेनीले जानकारी दिए ।
नगरपालिकामा कार्यरत कर्मचारीहरुको चैत्र महिनाको तलव भुक्तानी गर्दा अधिकृतस्तरका कर्मचारीहरुको ८ दिन वरावरको र सहायकस्तर र श्रेणीविहिन कर्मचारीहरुको ५ दिन वरावरको रकम कट्टा गरि कुश्मा नगरपालिकाले स्थापना गरेको प्रकोप ब्यवस्थापन विकास कोषको खातामा जम्मा गरिएको प्रमुख प्रशासकिय अधिकृत पंगेनीले जानकारी दिए ।