बुलिङटारमा बालबालिकालाई न्यानो कपडा बितरण

दयाराम आचार्य
कावासोती । नवलपरासीको बुलिङटार गाउँपालिकामा रहेको जनउत्थान बाल बिकास आधारभुत विद्यालयमा न्यानो कपडा बितरण गरिएको छ । बुलिङटार गाउँपालिका –३,मा रहेको जनउत्थान बाल बिकास आधारभुत विद्यालयमा न्यानो कपडा अन्र्तगत स्वीटर र टोपी बितरण गरिएको हो । रेडियो कावासोतीका संचालन समति अध्यक्ष विद्रोही गिरीले विद्यालयमा अध्यनरत तीस जना बालबालिकालाई न्यानो कपडा प्रदान गर्नुभएको हो । न्यानो कपडा प्रदान गर्नका लागि नेपाल पत्रकार महासंघका पूर्व केन्द्रिय सदस्य शुष्मा पौडेलले सहयोग पुर्याउनु भएको थियो ।

न्यानो कपडा वितरण कार्यक्रममा बोल्दै रेडियो कावासोतीका अध्यक्ष विद्रोही गिरीले जाडो मौसममा बालबालिकाको चिसोकै कारण अध्यनमा प्रभाव नपरोस भनि आफुहरुले न्यानो कपडा उपलब्ध गराएको बताउनुभएको थियो । उहाँले न्यानो कपडा प्राप्त गर्ने बालबालिकाहरुलाई चिसोको समयमा पनि विद्यालयमा निरन्तर आउनका लागि सहयोग पुग्ने विश्वास व्यक्त गर्नुभयो ।
न्यानो कपडा वितरण कार्यक्रममा विद्यालयका प्रधानाध्यापक माधव प्रसाद पाठक, सामुदायिक वन उपभोक्ता महासंघ बुलिङटारका अध्यक्ष प्रकास गिरी, भरतपुर आखा अस्पतालका कार्यक्रम संयोजक रमेश घिमिरे, नेत्र ज्योती संघ नवलपुरका कोषाध्यक्ष उदय सिग्देल लगाएतको सहभागिता रहेको थियो ।