बजार तताउदै अर्जुन सापकोटाको ‘ढल्केरै नाच्छु’ तीज गीत (भिडियो सहित )

कावासोती । हिन्दु नारिहरुको महान पर्व हरितालिका तिज नजिकिदै गर्दा लोकप्रिय गायक अर्जुन सापकोटा, राजु ढकाल र गायिका देवी घर्तीको स्वरको तीज कोसेली “ढल्केरै नाच्छु” बजारमा आए सँगै यो गितले बजार नै तताएको छ ।
जसमा जय देवकोटा, सुस्मिता घर्ती, निरुता खत्रीको पनि स्वर रहेको छ । मनोज चापागाईंको उत्कृष्ट शब्द संकलनमा अर्जुन सापकोटाले संगीत भरेका हुन् । भिडियो निर्देशन मदन खड्काले गरेका छन् भने विरेन्द्र भट्टको क्यामेरा र विकाश ज्ञवालीको सम्पादनमा तयार भएको हो । भिडियोमा चर्चित मोडल सारिका केसी सँग अर्जुन सापकोटाले कम्मर मर्काएका छन् ।
तीज नजिकिँदै गर्दा दिनानुदिन नयाँ नयाँ गीतहरु बजारमा आइरहेको बेला यो गीतले पनि दर्शक स्रोताको राम्रो साथ पाउने अनुमान लगाउन सकिन्छ । गीतको भिडियो अर्जुन सापकोटा युट्युब च्यानलबाट बजारमा आएको हो ।