कञ्चनपुरमा सवारी चालकले बिच सडकमै महिला कुटे (भिडियो सहित)

कञ्चनपुरमा एकजना सवारी चालकले बिच सडकमै महिलामाथि दुव्र्यवहार गर्दै कुटपिट गरेका छन् । आज दिउँसो जिल्ला सदरमुकाम महेन्द्रनगरको ट्राफिक चोकमा से १ ज १०९४ नम्बरको उईङगर गाडीका चालक गोकुल बोहोराले सडकमै महिलामाथि कुटपिट गरेको प्रहरीले जनाएको छ ।
वडा प्रहरी कार्यालय महेन्द्रनगरका प्रहरी नीरिक्षक मोहनजंग ब्ुाढा थापाले बोहोराले भाडाको विषयमा भएको विवादका क्रममा अपशब्द प्रयोग गरी दुव्र्यवहार गर्दै धनगढीकी लक्ष्मी धनाडीमाथि कुटपिट गरेको जानकारी दिए ।
उनले धनगढीदेखि महेन्द्रनगरको एक सय ४० रुपैया भाडा भएपनि चालकले दुई सय मागेको तर महिलाले दिन नमानेपछि गालीगलौज गर्दै कुटपिट गरेको बताए । चालकले अन्य यात्रुबाट समेत बढि भाडा असुलेको बुझिएकाले अनुसन्धान भइरहेको प्रहरीले जनाएको छ । कुटपिट गर्ने चालकलाई प्रहरीले पक्राउ गरेको छ भने महिलाको महाकाली अञ्चल अस्पतालमा चेकजाँच भइरहेको जनाएको छ ।

श्रीमती घरमा, गर्लफ्रेण्ड विदेशमा, तनावमा जिन्दगी

पछिल्लो समय वैदेशिक रोजगारी वा अध्ययनका लागि विदेश पुगेका नेपालीका कारण धेरै सामाजिक विचलन वा समस्याहरु देखिन थालेका छन् । कतिपय श्रीमान विदेशमा मर्ने गरी दुख गरिरहेका छन तर तीनै श्रीमानका श्रीमतीहरु भने नेपालमा मोजमस्ती गर्दै र प्रेमी फेर्दै हिडिरहेका छन् ।
महिलामात्रै होइन पुरष पनि कम छैनन्, यो मामिलामा । घरमा श्रीमती छँदाछँदै गर्लफ्रेण्ड बनाउन माहिर छन् विवाहित पुरुषहरु पनि । विवाहित पुरुषले कसरी आफ्ना श्रीमतीलाईै धोका दिएर गर्लफ्रेण्डसँग मस्ती गरिरहेका छन् र आफै कसरी तनावको सिकार भइरहेका छन् ? एउटा त्यस्तै प्रतिनिधि पात्रलाई यहाँ प्रस्तुत गर्दैछौँ ।
राजेश महत (नाम परिवर्तन), धुलिखेल काभ्रेका राजेश विवाहित हुन् । विवाह गरेको दोस्रो वर्षमै उनी धुलिखेलकै एक युवतीसँग नजिकिए । हाल ती युवती अष्ट्रेलियामा छिन् । राजेश दिनमा कम्तिमा पनि ५ घण्टा फोनमा उनैसँग झुण्डिरहेका हुन्छन् । उनलाई अष्ट्रेलियामा रहेकी आफ्नी प्रेमिकाको हरेक गतिविधिबारे अपडेट हुनै पर्ने रोग लागेको छ । समुद्र तिर गएर खिचेको फोटो देख्ने बित्तिकै राजेश हतारहतार फोन गरिहाल्छन् ‘एक्लै गाको कि अरु कोहीसँग ?’ यस्तै यस्तै कुराहरुले उनीहरुको फोनमै झगडा पर्छ, मुख छोडाछोड सम्म हुन्छ ।
साथीभाइले भने राजेशलाई निकै उचालिरहेका हुन्छन् ‘मस्ती छ यार तेरो, घरमा श्रीमती, अष्ट्रेलियामा गर्लफ्रेण्ड ।’ राजेश पनि फिस्स हास्छन् र भन्छन् ‘ मस्ती गर्न त भाग्यमा लेखेको हुनु पर्छ नी केटाहरु ।’ देखाउनलाई यस्तो भने पनि भित्रबाट भने राजेश निकै पीडित छन् । घर व्यवस्थापन, गर्लफ्रेण्डलाई फोनमा दिनुपर्ने समय लगायतले उनी प्राय तनावमै हुन्छन् । केही काम गर्नै रुची लाग्दैन । केही समम यता उनी प्राय झोक्राइरहेकै अवस्थामा भेटिन्छन् ।
गर्लफ्रेण्ड अष्ट्रेलिया जाने बेलामा उनले सरसापट गरेर करिब १० लाख रुपैयाँ पनि हालिदिएका थिए । तर गएको एक वर्ष हुनलाग्दा पनि उताबाट गर्लफ्रेण्डले सुको पठाएकी छैनन् । यता पैसा दिनेहरुले कराएर दिक्क बनाइसकेका छन् । राजेशको तनावको ग्राफ दिनप्रतिदिन बढेको बढ्यै छ ‘न घरकी श्रीमती छोड्न सक्छन् न अष्ट्रेलियामा रहेकी गर्लफ्रेण्डलाई भूल्न नै ।’
यो त एउटा प्रिितिनध घटना मात्रै हो । राजेशजस्तै अरु धेरै पनि यसरी नै पीडित बनिरहेका छन् । वैदेशिक रोजगारी वा अध्ययनको राम्रो पाटो मात्र छैनन्, यस्ता कैयौ विचलन वा समस्या पनि देखिएका छन् जसले धेरैको घरबार उजाड बन्दै गइरहेको छ ।

www.nalapani.comसाभार