![](https://www.namunapost.com/wp-content/uploads/2024/09/999.jpg)
बिजय चालिसे
कावासोती । विप्लब नेतृत्वको नेकपाको नेपाल बन्दको प्रभाव नवलपुरमा पुर्ण रुपमा परेको छ । आफ्ना नेता तथा कार्यकर्ता पक्राउको विरोधमा नेकपाले गरेको वन्दको प्रभाव नपलपुरमा पुर्ण रुपमा परेको हो । बन्दका कारण सवारी साधन छिटफुट संचालनमा रहेको भए पनि सडकका ठाउँठाउँमा शंकास्पद वस्तु फेला परे पछि प्रहरीले नै सवारी साधनलाई ठाउँठाउँमा रोकेर राखेको छ । बन्दका कारण बजार सुनसान देखिएको छ ।
बन्दको पुर्व सन्ध्यामा गएराती विप्लब नेतृत्व नेकपा जिल्ला सदस्य पुरुषेत्तम रेग्मि पक्राउ परेका छन् । मध्यविन्दु नगरपालिका ११ बाउन्नेकुनाबाट रेग्मिलाई पक्राउ गरिएको जिल्ला प्रहरी कार्यालय नवलपुरले जनाएको छ । रेग्मिलाई बन्दको पुर्वसन्ध्यामा नेकपाले गरेको राके जुलुसका क्रममा पक्राउ गरिएको जिल्ला प्रहरी कार्यालय नवलपुरका प्रहरी प्रमुख एंव प्रहरी उपरिक्षक रमेश थापाले जानकारी दिनुभयो ।
यस्तै कावासोती १६ डण्डा पथ्तरखोला पुल नजिक रोकिराखेको भा।तिय ट्रकमा आगजनी गरिएको छ । भारतको गुजरातबाट काठमाडौं जानका लागि आउदै गरेको आर जे ०२ जिबि २८७० नंबरको ट्रकमा अज्ञात समुहले आगजनी गरेको प्रहरीले जनाएको छ । आगलागिबाट ट्रकको अगाडि भागमा क्षती पुगेको छ । ट्रकमा एसिडसमेत प्रयोग गरिएको थियो । समयमै शसस्त्र प्रहरी र नेपाल प्रहरीको टोली पुगेर ट्रकमा लागेको आगो निभाउन सफल भएको थियो ।
यसैगरी गैडाकोट नगरपालिका १३ र १४ को बीचमा पर्ने बेल्डिहाा पुलमा रातो झोलामा शंकास्पद वस्तु भेटिएको छ । विहान पाँच बजेतिर उक्त वस्तु फेला परे पछि सडक अवरुद्ध छ । अस्थायी प्रहरी पेष्ट वेल्डिहा पुल नजिकै शंकास्पद बस्तु भेटिएको हो । घटना स्थललाई प्रहरीले सुरक्षा घेरा भित्र राखेको छ भने शंकास्पद वस्तु डिस्पोज गर्न नेपाली सेनाको टोली पुगेको छ ।
त्यसैगरी देवचुली नगरपालिका २ मा रहेको दुम्कौली हेल्थ पोष्ट अगाडि पनि रातो झोलामा शंकास्पद वस्तु फेला परेको छ ।
दुम्किौली हेल्थ पोष्ट अगाडि लक्ष्मी नारायण वस्त्रालय लेखेको कपडाको झोला भित्र प्लाष्टिकमा बेरेर राखिएको शंकास्पद वस्तु फेला परेको हो ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१