
कावासोती । पाल्पाको निस्दी गाँउपालिका ६ मा टिप्परको ठक्करबाट बालिकाको मृत्यु भएको छ । नवलपुर र पाल्पाको सिमा नजिकै पर्ने पाल्पाको निस्दी गाउँपालिका ६ मा ग १ ख १५११ नम्बरको टिप्परको ठक्करबाट आइतबार विहान ५ बर्षीय बालिका मनिता सारुको घटना स्थलमै मृत्यु भएको हो । सोही दुर्घटनामा परी सुनिता बाह्रघरे गम्भीर घाइते भएकी छन् । पूर्बि नवलपरासीको विनयी त्रिवेणी गाउँपालिका ३ सर्दीमा रहेको होङसी सिमेन्टका लागि कच्चा पदार्थ बोक्ने टिप्परको ठक्करबाट मनिता सारुको मृत्यु भएको हो ।
दुर्घटना पछि चालक फरार रहेका छन् । स्थानीयले चालकको लापरवाहीको कारण बालिकाको ज्यान गएको भन्दै अहिले उक्त क्षेत्रमा होङसी सिमेन्टको टिप्पर आवत जावतमा रोक लगाएका छन् । सिमेन्टका लागि आवश्यक पर्ने कंक्रिट लिन जाँदा टिप्परले बालिकालाई ठक्कर दिएको थियो । स्थानीयको अवरोध पछि कारखाना प्रशासन र स्थानीयबीच छलफल भएको छ ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१