![](https://www.namunapost.com/wp-content/uploads/2024/09/999.jpg)
चोरमारा । मध्यबिन्दु नगरपालीका चोरमारामा किशोरीहरुका लागि आत्मरक्षा सम्बन्धि २ दिने तालीम बुधबारबाट सुरु भएको छ । समाजमा देखिने गरेका हिंसाका प्रकार, बलात्कारबाट बच्ने उपाय, प्रतिरोध गर्ने तरिका लगायत अन्य परिस्थिति जन्य अवस्थामा आफूलाई कसरी सुरक्षित गर्न सकिन्छ भन्ने विषयमा किशोरीहरूलाई सैद्धान्तिक र शारीरिक प्रशिक्षण प्रदान गर्न लागिएको मध्यबिन्दु नगरपालीकाका उपप्रमुख ओमकुमारी महत्तोले जानकारी दिईन् ।
उनले बढ्दै गएको किशोरी हिसाबाट बच्नका लागि यसले सहयोग गर्ने बताए । मध्यबिन्दु नगरपालीका भित्रका १५ वटै बडाका किशोरी गरि ४० जना किशोरीहरुको सहभागिता रहेको छ । शिक्षणका क्रममा धम्क्याएर बलात्कार प्रयास भए किशोरीहरूलाई आत्म बल बढाएर तत्काल उम्कन सकिने गरी प्रत्याक्रमण गर्ने तरिकाका विषयमा शारीरिक प्रशिक्षण दिइएको प्रशिक्षक दिपक शर्माले जानकारी दिए ।
कार्यक्रममा मध्यबिन्दु नगरपालीकाका प्रमुख प्रशाशकीय अधिकृत कृष्ण पन्थी ,गैर सहकारी सस्थाका अध्यक्ष बद्री नेपाल , बेस नेपाल जिल्ला संयोजक शालीकराम पाख्रेल नगरबाल संजालका अध्यक्ष नबराज पाठक लगायतकाको आतिथ्यता रहेको थियो ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१