कावासोतीको बरचुली गुम्वाले महापूजाबाट ५० लाख ५८ हजार सकंलन

कावासोती  । बरचुली बौद्ध गुम्वा कावासोतीले ३ आयोजना गरेको त्रिपिटक कङ्ग्युर महापूजाको आम्दानी खर्च बिवरण सार्वजनिक गरेको छ । मंसिर १ देखि ७ गतेसम्म सञ्चालित महापूजामा ५० लाख ५८ हजार ७८ रुपैयाँ सकंलन भएको छ ।

महापूजा सम्पन्न गर्न ३१ लख १६ हजार ४ सय ८४ रुपैयाँ लागेको महापूजा आयोजक समितिका संयोजक गोपी गुरुङले जानकारी दिए । खर्च कटाएर १९ लाख ४१ हजार ५ सय ९५ रुपैयाँ कोषमा जम्मा भएको छ । बोल चन्दा ९ लाख ५१ हजार ७ सय ३४ उठ्न बाँकी रहेको आर्थिक उप समिति संयोजक घमानसिंह गुरुङले बताए ।

संकलित रकम मार्फत नवलपुर क्षेत्रकै नमूना बौद्ध गुम्बा निर्माणको लागि खर्च गरिनेछ । गुम्बाका अध्यक्ष गुरुगले महापूजा पूर्ण रुपमा सफल बनेको भन्दै सबै धर्म जातिको सम्मानमा ठूूलो टेवा पुगेको बताए । गुरुगले भने, यस क्षेत्रलाई धार्मिक पर्यटकीय क्षेत्रको रुपमा बिकास गर्न सबैको सहयोग मिलेको छ ।